← Kthehu te Ballina

Gjendet i vdekur një person në Istog, punonte në një fermë peshqish

ShpërndajeFacebookWhatsApp
Gjendet i vdekur një person në Istog, punonte në një fermë peshqish

Një punëtor është gjetur pa shenja jete mëngjesin e sotëm në një fermë për kultivimin e peshqve në Istog.

Rastin e ka konfirmuar zëdhënësi i Policisë për rajonin e Pejës, Sheremet Elezaj, i cili bëri të ditur se viktima është gjetur pa vetëdije rreth orës 07:00.

“Sot, më 21.11.2026, rreth orës 07:00, është gjetur një person pa vetëdije në vendin e tij të punës në Istog, në një fermë për kultivimin e peshqve. Në vendin e ngjarjes kanë dalë njësitet përkatëse policore dhe ekipi emergjent, ku nga mjeku kujdestar është konstatuar vdekja e viktimës, mashkull i moshës madhore”, ka thënë Elezaj për Express.

Sipas tij, në vendngjarje ka dalë edhe prokurori i shtetit, ndërsa pas konsultimeve është iniciuar rasti si “Hetim i vdekjes”.

“Po ashtu në vendin e ngjarjes ka dalë edhe Prokurori i Shtetit në konsultimit me të cilin është iniciuar rast “Hetim i vdekjes”, ndërsa trupi i pajetë dërgohet në IML. Hetimet janë duke vazhduar me qëllim të ndriçimit dhe zbardhjes së plotë të rrethanave të rastit”, ka thënë Elezaj.

Trupi i pajetë është dërguar në Institutin e Mjekësisë Ligjore, ndërsa Policia po vazhdon hetimet për të sqaruar rrethanat e vdekjes.

Burimi: www.gazetaexpress.com

Artikull i përzgjedhur dhe përpunuar automatikisht nga Zani Digjital.

Lajme të ngjashme