← Kthehu te Ballina
Lajme 11/10/2026 15:31

Zjarr në një banesë në katin e gjashtë në Tophane, nuk raportohet për të lënduar

Zjarr në një banesë në katin e gjashtë në Tophane, nuk raportohet për të lënduar

Një zjarr ka shpërthyer të shtunën në një banesë në lagjen Tophane në Prishtinë, por nuk ka persona të lënduar.

Rastin e ka konfirmuar për Telegrafin Abdusamed Shkodra, zëvendëskomandant i Brigadës së Zjarrfikësve në Prishtinë.

Sipas Shkodrës, Brigada Profesionale e Zjarrfikësve është informuar për rastin në orën 14:23, pas raportimit për zjarr në një banesë.

Ekipet e zjarrfikësve kanë dalë menjëherë në vendin e ngjarjes, ku kanë intervenuar në banesën që ndodhej në katin e gjashtë të ndërtesës.

Zjarri kishte nisur në banjën e banesës, ndërsa falë intervenimit të shpejtë të zjarrfikësve, është vënë nën kontroll dhe është shuar brenda një kohe të shkurtër.

Sipas Shkodrës, nga ky incident nuk ka persona të lënduar.

Reklamë