Vuçiq: Në 72 orët e fundit po përballemi me terror të hapur, do ta arrestojnë këdo që nuk u nënshtrohet
Ish-presidenti i Serbisë dhe bartësi i listës zgjedhore “Aleksandar Vuçiq – Serbia e Bashkuar”, Aleksandar Vuçiq, ka deklaruar se pas zgjedhjeve parlamentare në Serbi po mbizotëron, siç e quajti ai, terrori i hapur nga ana e atyre që i fituan zgjedhjet.
Vuçiq i bëri këto komente të enjten, në një konferencë për media në selinë e Partisë Përparimtare Serbe (SNS).
“Ne e njohëm dhe e pranuam rezultatin e zgjedhjeve, si dhe i përgëzuam kundërshtarët tanë. Në 72 orët e fundit po dëshmojmë terror të hapur në rrugë dhe në objekte në të gjithë Serbinë”, tha Vuçiq.
Ajo që përfaqësuesit e shumicës së re e quajnë “çlirimi i mediave”, Vuçiq e cilësoi si hipokrizi dhe gënjeshtër, shkruan klix.ba.
“Të gjithë ata që nuk i lavdërojnë dhe që nuk thonë se ‘plenumi është Zot’, duhet të largohen”, deklaroi ai.
Vuçiq shtoi se, sipas tij, mesazhi i pushtetit të ri është se do të arrestohet kushdo që nuk tregon mjaftueshëm përulje dhe nënshtrim.
Megjithatë, ai nuk specifikoi se cilave ngjarje konkrete u referohej.
Në zgjedhjet parlamentare të 25 tetorit, Lista e Studentëve mori 52,54 për qind të votave, ndërsa lista “Aleksandar Vuçiq – Serbia e Bashkuar” siguroi 39,29 për qind, sipas të dhënave preliminare të Komisionit Republikan të Zgjedhjeve.
Të rejat Lexo më shumë
Në një vend që është shpallur më i miri në botë për turistët - shtëpitë jepen falas, sepse nuk kanë kujt t'ia shesin
“Kromozomi 21” në Mitrovicë, thirrje për më shumë mbështetje të personave me sindromin Down
Albin Prapashtica po rikthehet fuqishëm, dy golat ndaj Dukagjinit i japin besim për vazhdimin e sezonit