← Kthehu te Ballina
Politikë 29/10/2026 22:33

VIDEO/ Me grushte e karrige, sherr i madh mes deputetëve në parlamentin e Armenisë

VIDEO/ Me grushte e karrige, sherr i madh mes deputetëve në parlamentin e Armenisë

Një seancë parlamentar në Armeni ka përfunduar në një përleshje masive, ku deputetët e mazhorancës dhe opozitës kanë shkëmbyer grushte, kanë hedhur karrige dhe kanë përmbysur tavolina.

Incidenti ndodhi gjatë seancës së së enjtes, duke detyruar ndërhyrjen e menjëhershme të shërbimeve të sigurisë parlamentare.

Sipas mediave lokale, disa deputetë mbetën të plagosur, ndërsa në ndërtesën e Parlamentit u thirr edhe një ambulancë.

🇦🇲 An Armenian parliament session turned into a brawl between deputies Lawmakers in Armenia engaged in an all-out brawl in the middle of a parliamentary session between representatives of the ruling party and the opposition. MPs even threw a chair at each other. https://t.co/qK96k3accn

— Visegrád 24 (@visegrad24) October 29, 2026

Përplasja shpërtheu mes përfaqësuesve të partisë në pushtet, Kontrata Civile, të kryeministrit Nikol Pashinyan, dhe grupit opozitar Armenia e Fortë.

Pamjet e publikuara tregojnë deputetët duke shtyrë dhe goditur njëri-tjetrin, ndërsa kolegët përpiqeshin të qetësonin situatën.

Në një moment, nënkryetari i Parlamentit, Vahagn Aleksanyan, u pa duke hedhur një karrige drejt opozitës.

Ndërkohë, deputeti i mazhorancës Taron Chahoyan i hodhi ujë deputetit opozitar Garnik Davtyan.

Gjithçka nisi gjatë diskutimeve për një emërim në Dhomën e Auditimit, institucioni përgjegjës për mbikëqyrjen e shpenzimeve publike.

Debati u përshkallëzua kur Chahoyan, duke iu përgjigjur akuzave për korrupsion, përmendi familjen e kreut të grupit opozitar, Narek Karapetyan.

Ky është incidenti i dytë i dhunshëm mes mazhorancës dhe opozitës në Parlamentin armen brenda më pak se një muaji.

Reklamë