Vesa Luma kërkon përgjegjësi institucionale pas publikimit të audio-incizimit të Arlinda Zekajt
Publikimi i një audio-incizimi, në të cilin Arlinda Zekaj dëgjohet duke kërkuar ndihmë nga një zyrtar policor para se të vritej, ka nxitur reagime të shumta në opinionin publik.
Mes atyre që kanë reaguar është edhe këngëtarja Vesa Luma, e cila ka shprehur indinjatën e saj dhe ka kërkuar përgjegjësi nga institucionet përkatëse.
Përmes disa postimeve në Instagram, artistja ka kritikuar ashpër mënyrën se si, sipas saj, është trajtuar kërkesa për mbrojtje e viktimës, duke kërkuar që përgjegjësia të mos kufizohet vetëm te drejtuesit e institucioneve.
“E tmerrshmeeeee. Me këtë që dëgjova, more jo ministrja, po komplet prej A deri në ZH duhet me u dorëheq. Nuk po më besohet”, ka shkruar Luma në reagimin e saj.
Këngëtarja i është drejtuar edhe zyrtarit policor të përmendur në incizim, duke e lidhur qëndrimin e tij të pretenduar me një problem më të gjerë shoqëror në trajtimin e dhunës ndaj grave.
“Faruk, çka me të thonë o Faruk, se edhe ti je pjesë e mentalitetit të kalbun deri në rrënjë”, ka shkruar ajo.
Në një tjetër postim, Luma ka shpërndarë një fotografi nga protestat kundër dhunës ndaj grave, duke rikthyer në vëmendje fjalët e Arlinda Zekajt, të cilat dëgjohen në audio-incizimin e publikuar.
“Faruk, të lutem… të lutem… Unë vrahna… s’ka lidhje… po ju keni me u përgjigj”, ka cituar këngëtarja.
Artistja ka shprehur gjithashtu shqetësimin për gratë që mund të ndodhen në rrethana të ngjashme dhe që kërkojnë mbrojtje nga institucionet.
“Oh Zot, të lutem mbroji të gjitha gratë shqiptare që janë në pozicionin e njëjtë”, ka shkruar ajo, duke treguar se ishte ndier e pafuqishme teksa dëgjonte përgjërimet e viktimës për ndihmë.
Përtej reagimit kritik, Vesa Luma ka bërë thirrje që personazhet publike të angazhohen më shumë në mbështetje të grave që përballen me dhunë.
Ajo ka kërkuar udhëzime nga profesionistët dhe organizatat që merren me mbrojtjen e viktimave, në mënyrë që ndikimi i figurave publike të shndërrohet në ndihmë konkrete.
“Ju lutem dikush që është i fushës të na drejtojë neve të paktën që kemi pozicione publike e ndikim në audiencë të bëjmë diçka për këto gra. Si mund të ndihmoj unë?”, ka përfunduar Luma.
Reagimi i këngëtares vjen në kohën kur publikimi i incizimit ka rikthyer debatin mbi përgjegjësinë institucionale, trajtimin e denoncimeve për dhunë dhe nevojën për mbrojtje efektive të grave që raportojnë se ndodhen në rrezik.
Ndërkohë, rrethanat e komunikimit të publikuar dhe përgjegjësitë eventuale të zyrtarëve përkatës kërkojnë sqarim përmes procedurave zyrtare.
Toyota Motor Europe ka shitur gjithsej 936.042 automjete Toyota dhe Lexus gjatë nëntë muajve të parë të vitit 2026,...
Të rejat Lexo më shumë
Shasime Osmani, nga Kërçova në Parlamentin e Bernës: Lidhja me Kosovën dhe zëri i shqiptarëve në Zvicër
Zbulohet plani për rrënimin e “San Siros”: Ja çfarë do të mbetet nga stadiumi legjendar
Banka Credins Kosovë thërret Kuvendin e Jashtëzakonshëm të Aksionarëve