Vendimi për Spitalin Modular ndez përplasjen politike: VMRO akuzon për ndërhyrje në drejtësi
Vendimi i Gjykatës Supreme për shfuqizimin e aktgjykimeve ndaj ish-drejtorëve të Spitalit Klinik të Tetovës, Florim Besimi dhe Artan Etemi, ka nxitur reagimin e VMRO-DPMNE-së.
Deputeti dhe sekretari i përgjithshëm i kësaj partie, Brane Petrushevski, akuzoi kryetarin e Gjykatës Supreme, Afrim Fidani, si dhe liderët e LSDM-së dhe BDI-së, Venkо Filipçe dhe Ali Ahmeti, për ndikim të pretenduar në vendimmarrjen gjyqësore.
„Filipçe është i lirë, tani edhe Besimi dhe Etemi“, deklaroi Petrushevski, duke pretenduar se vendimi i Gjykatës Supreme është rezultat i ndikimeve politike.
Ai rikujtoi se në shkallën e parë, ish-drejtorët ishin dënuar me nga një vit e gjysmë burg, ndërsa Gjykata e Apelit ua kishte rritur dënimet në nga tre vjet burg.
Me vendimin e fundit, Gjykata Supreme i shfuqizoi aktgjykimet dhe e ktheu lëndën në rigjykim.
Petrushevski vlerësoi se ky vendim është goditje për familjet e viktimave të zjarrit tragjik në Spitalin Modular të Tetovës, duke rikthyer në qendër të debatit politik çështjen e përgjegjësisë për tragjedinë.
tag_katrorimaqedoni_2
Toyota Motor Europe ka shitur gjithsej 936.042 automjete Toyota dhe Lexus gjatë nëntë muajve të parë të vitit 2026,...
Të rejat Lexo më shumë
Dronët kamikazë ukrainas shkatërrojnë helikopterin rus
Vazhdojnë punimet në rrugën “Tërrnava” në fshatin Lismir të Fushë Kosovës
Mezani flet pas emërimit te Drenica: Objektivi ynë është vetëm mbijetesa