Ushtria amerikane në Europë dhe Afrikë njofton për tranzicionin e trupave të saj në Kosovë
Komanda Rajonale-Lindje e misionit të NATO-s në Kosovë, KFOR, ka mirëpritur kolonelin Jabari M. Miller gjatë ceremonisë së ndërrimit të komandës, ndërsa forcat amerikane nga Regjimenti i 2-të i Kalorësisë dhe Divizioni i 1-rë i Këmbësorisë kanë marrë përsipër misionin.
Sipas njoftimit të publikuar nga US Army Europe and Africa, ky ndryshim shënon kalimin nga Ekipi Luftarak i Brigadës së 53-të të Këmbësorisë te forcat e angazhuara drejtpërdrejt për teatrin e operacioneve.
Ky tranzicion paraqitet si pjesë e përshtatjes me konceptin e ri të NATO-s, të quajtur NATO 3.0, në kuadër të përpjekjeve për ruajtjen e paqes dhe stabilitetit në Kosovë, përkrah aleatëve të Aleancës.
Njoftimi thekson vazhdimin e angazhimit të ushtrisë amerikane në kuadër të KFOR-it, misionit të NATO-s që kontribuon në një mjedis të sigurt dhe lirinë e lëvizjes për të gjithë në Kosovë.