← Kthehu te Ballina
Lajme 22/10/2026 09:46

UNË E DI PSE KËNDON ZOGU I NGUJUAR NË KAFAZ

UNË E DI PSE KËNDON ZOGU I NGUJUAR NË KAFAZ

Përktheu: Skënder Buçpapaj

Një zog i lirë hidhet mbi shpinën

e erës dhe fluturon kundër rrymës

e ia del tejembanë, dhe e ngjyen një flatër

në portokallinë e rrezeve të diellit

dhe guxon t’ia mësyjë qiellit.

Por një zog që truset në kafazin e tij të ngushtë

mund të shohë veç tek-tuk përmes hekurave të zemërimit

flatrat e tij janë prerë dhe këmbët e tij janë lidhur

prandaj e hap gojën për të kënduar.

Zogu në kafaz këndon me një trill të frikshëm

për gjëra të panjohura, por ende të ëndërruara

dhe zëri i tij dëgjohet në kodrinat e largëta sepse

zogu në kafaz i këndon lirisë.

Zogu i lirë mendon për një tjetër puhizë

e për alizé delikate përmes

pëshpëritjeve të pemëve

dhe për krimba të majmë që e presin në një lëndinë

të ndritshme dhe ai qiellin e quan të tijin.

Por një zog në kafaz ngrihet mbi varrin e ëndrrave

hija e tij thërret mbi ulërimën e një makthi

flatrat e tij janë prerë dhe këmbët e tij janë lidhur

prandaj e hap gojën për të kënduar.

për gjëra të panjohura, por ende të ëndërruara

dhe zëri i tij dëgjohet në kodrinat e largëta sepse zogu në kafaz i këndon lirisë.

Reklamë