← Kthehu te Ballina
Sport 03/11/2026 14:01

UEFA merr një vendim të madh në kujtim të Jesus de Miguel

UEFA merr një vendim të madh në kujtim të Jesus de Miguel

UEFA ka konfirmuar se një minutë heshtje do të mbahet në të gjitha ndeshjet e kësaj jave në kujtim të sulmuesit të Tenerifes, Jesus de Miguel , i cili vdiq të martën në moshën 30 vjeçare.

Nderimi do të zhvillohet në ndeshjet e Ligës së Kampionëve të martën dhe të mërkurën, si dhe në ndeshjet e Ligës së Evropës dhe Ligës së Konferencës të enjten.

Në një deklaratë, UEFA shprehu ngushëllimet e saj më të thella familjes, miqve dhe shokëve të ekipit të tij gjatë asaj që e quajti një moment tepër të vështirë.

“Komuniteti evropian i futbollit po vajton humbjen e sulmuesit të Tenerifes, Jesus de Miguel Alameda. I shprehim ngushëllimet tona më të thella familjes, miqve dhe shokëve të ekipit të tij gjatë kësaj kohe tepër të vështirë”.

“Një moment heshtjeje do të mbahet në të gjitha ndeshjet e UEFA-s këtë javë në kujtim të tij”, shkruan në postimin e UEFA-s.

🖤 The European football community is mourning the loss of @CDTOficial forward Jesús de Miguel Alameda. We extend our deepest condolences to his family, friends and teammates during this incredibly difficult time. A moment of silence will be observed at all UEFA matches this week in his memory.🔗 https://t.co/F6FnR3UKMX

— UEFA (@UEFA) November 3, 2026

Ndryshe, De Miguel vdiq pasi pësoi një arrest kardio-respirator pas një përplasjeje me portierin e Andorrës, Jesus Owono, gjatë ndeshjes të së hënës në Segunda Division.

Reklamë