U plagos në sy gjatë protestës, reagon Erjon Vishkulli para operacionit në Itali: Zoti do të krijojë lehtësim pas vështirësive
Erjon Vishkulli, protestuesi që u plagos në sy me plumb gome gjatë protestës të tre ditëve më parë, ka reaguar para operacionit të kryer në Itali.
Me anë të një postimi në rrjetet sociale, Vishkulli shkruan: “Zoti do të krijojë lehtësim pas vështirësive”, ndërsa me duar bënte shqiponjën dykrenare.
Në një reagim për Top Channel, ai thotë se doktorët i kanë dhënë shumë shpresa se operacioni do të shkojë me sukses.
Ndërkohë, dy prokurorë kanë nisur me iniciativën e tyre hetimet për veprat penale “Shpërdorim detyre” dhe “Kryerja e veprimeve arbitrare”, ku dyshohen oficerë të Policisë së Shtetit, pas konfliktit gjatë të cilit u plagos 28-vjeçari.
Në kuadër të hetimeve janë administruar rreth 20 kartela mjekësore të personave të dëmtuar, mes tyre edhe ajo e 28-vjeçarit.
Të rejat Lexo më shumë
Kompanitë kineze i ndërpresin bashkëpunimet me Mbappen për shkak të një komenti kontrovers
Putin zhvillon bisedë telefonike me liderët e Finlandës dhe Norvegjisë
26 vjet pa zgjidhje për ujin në Pobërgjë të Deçanit, “Hidrodrini” drejton gishtin nga banorët