Trump thotë se një takim mes Putinit dhe Zelenskyt do të organizohet “shumë shpejt”
Presidenti amerikan Donald Trump deklaroi të mërkurën se një takim mes presidentit rus Vladimir Putin dhe homologut të tij ukrainas, Volodymyr Zelensky, do të organizohet “shumë shpejt”.
Ky njoftim vjen në një kohë kur administrata e Trumpit po intensifikon përpjekjet diplomatike që synojnë t'i japin fund luftës Rusi-Ukrainë, e cila tashmë ka hyrë në vitin e saj të pestë.
“Do të organizohet një takim shumë shpejt dhe mendoj se mund të bëhet përparim i madh”, u tha Trump gazetarëve, shkruajnë mediat e huaja, përcjell
Zelensky deklaroi të dielën se në nëntor do të zhvillohet një takim trepalësh mes Kievit, Uashingtonit dhe Moskës, me qëllim rinisjen e bisedimeve të paqes që kanë ngecur.
Kremlini kishte bërë të ditur më herët se një takim mes këtyre tri vendeve ishte planifikuar të mbahej në Emiratet e Bashkuara Arabe gjatë muajit nëntor.
Putini, i cili urdhëroi pushtimin e Ukrainës në shkurt të vitit 2022, e ka refuzuar vazhdimisht mundësinë e bisedimeve ballë për ballë me Zelenskyn dhe ka këmbëngulur se Moska synon të marrë nën kontroll pjesën e mbetur të Ukrainës lindore.
Trump erdhi në pushtet në janar të vitit 2025 duke premtuar se do t'i jepte fund luftës brenda 24 orëve; megjithatë, më shumë se një vit bisedimesh të udhëhequra nga SHBA-ja nuk kanë sjellë ndonjë përparim thelbësor, ndërkohë që dhjetëra mijëra njerëz kanë humbur jetën.
Të rejat Lexo më shumë
Kroos mahnitet nga Mourinho pas El Clasicos, zbulon si e shkatërroi lojën e Barcelonës
Në Kuvend nis debati për amendamentet e Propozimit për ndryshimin dhe plotësimin e Buxhetit
Përballja me kancerin e gjirit – Saranda tregon sfidat që po kalon