← Kthehu te Ballina
Lajme 22/10/2026 10:01

Tre të arrestuar pas të shtënave me armë në Deçan, shënjestër ishin 4 viktima

Tre të arrestuar pas të shtënave me armë në Deçan, shënjestër ishin 4 viktima

Mëngjesin e sotëm, IndeksOnline raportoi ekskluzivisht për të shtëna me armë zjarri në drejtim të disa personave, në Deçan.

Rastin për IndeksOnline e ka konfirmuar edhe togeri Sheremet Elezaj, duke bërë me dije se tre persona të dyshuar janë arrestuar.

Incidenti ka ndodhur rreth orës 5 të mëngjesit, në fshatin Strellc i Epërm, sakaq shënjestër i të shtënave ishin 4 persona.

“Pas pranimit të njoftimit, njësitet policore kanë dalë menjëherë në vendin e ngjarjes dhe kanë ndërmarrë veprimet e nevojshme. Deri tani janë arrestuar tre persona të dyshuar, meshkuj, madhorë si dhe është sekuestruar një armë zjarri, pistoletë, për të cilën dyshohet se është përdorur në rast.

Në vendin e ngjarjes janë gjetur dy gëzhoja fisheku. Si pasojë e të shtënave nuk është raportuar për persona të lënduar”, deklaroi Elezaj.

Ai bëri me dije se aktualisht janë duke vazhduar veprimet hetimore për zbardhjen e plotë të rrethanave të ngjarjes.

“Në konsultim me prokurorin kompetent është iniciuar rast “Vrasje në tentativë”, tha Elezaj.

Reklamë