Tragjedia në Spanjë, humb jetën shkencëtarja që studionte shkaqet e dështimit të shtatzënisë
Një profesoreshë e Universitetit të Kembrixhit, Dr. Marta Shahbazi, është në mesin e 69 personave që humbën jetën në përplasjen tragjike të dy trenave me shpejtësi të lartë në Spanjë.
41-vjeçarja ishte duke udhëtuar drejt qytetit Huelva, ku do të merrte një çmim për ekselencë shkencore, kur ndodhi aksidenti pranë qytetit Urda.
Shahbazi ishte një shkencëtare e njohur në fushën e biologjisë qelizore dhe drejtonte një grup kërkimor në Laboratorin e Biologjisë Molekulare MRC.
Hulumtimet e saj fokusoheshin në zhvillimin e embrionit njerëzor dhe shkaqet e dështimit të shtatzënisë.
Vdekja e saj u konfirmua nga një institut kërkimor spanjoll, ndërsa kolegët e përshkruan si një shkencëtare të talentuar dhe frymëzuese.
Aksidenti ndodhi kur një tren i kompanisë shtetërore Renfe u përplas nga prapa me një tren të kompanisë Iryo.
Autoritetet spanjolle po hetojnë shkaqet, ndërsa dyshimet fillestare lidhen me një problem në komunikimin kompjuterik dhe gabime njerëzore.
Të rejat Lexo më shumë
Kapet në Greqi 26-vjeçari shqiptar i akuzuar për vrasjen e bashkëkombësit në Selanik, pritet ekstradimi
Rritet frika në Lindjen e Mesme se lufta me Iranin mund të rifillojë pas zgjedhjeve të mesit të mandatit në SHBA
AUV refuzon importin e mbi 25 tonëve misër, ndalon edhe shitjen e ushqimit për viça për shkak të aflatoksinave