Thellohet kriza te Manchester Unitedi: Lojtarët i dalin kundër drejtuesve dhe mbrojnë Carrickun
Lojtarët e Manchester Unitedit vazhdojnë ta mbështesin fuqishëm Michael Carrickun, pavarësisht raportimeve se drejtuesit e klubit kanë nisur të dyshojnë në aftësinë e tij për ta mbajtur nën kontroll dhomën e zhveshjes.
Sipas mediumit “Roundtable”, drejtuesit e “Djajve të Kuq” janë të shqetësuar për rezultatet e fundit të skuadrës, e cila nuk ka fituar në pesë ndeshjet e fundit. Megjithatë, pozita e Carrickut nuk është në rrezik të menjëhershëm.
Raporti pretendon se futbollistët janë të pakënaqur me drejtuesit e klubit për mënyrën se si u zhvillua afati kalimtar i verës, pasi besojnë se skuadra nuk u përforcua mjaftueshëm për të konkurruar në nivelet më të larta.
Kjo pakënaqësi u bë e dukshme edhe pas humbjes 2-0 ndaj Atletico Madridit, kur mbrojtësi Lisandro Martinez kritikoi publikisht drejtuesit dhe strategjinë e transferimeve të klubit.
“Ne presim më shumë nga drejtuesit”, ishte mesazhi i argjentinasit, duke shtuar presionin mbi hierarkinë e klubit anglez.
Përveç kësaj, lojtarët thuhet se janë lodhur nga ndryshimet e shpeshta në stolin e trajnerit. Gjatë periudhës së drejtimit aktual të klubit, Erik ten Hag dhe Ruben Amorim janë larguar nga posti, duke shtuar paqartësinë rreth projektit sportiv.
Pavarësisht shqetësimeve të drejtuesve për formën e skuadrës, lojtarët vazhdojnë të qëndrojnë në anën e Carrickut dhe dëshirojnë që ai të mbetet në krye të ekipit.
Të rejat Lexo më shumë
“Unë dhe familja morëm qindra kërcënime me jetë”, Fatos Geci paralajmëron ankesë te Kryeprokurori
Siguria në Kosovë në fokus të takimit mes Policisë dhe drejtuesve të lartë të NATO-s
Barcola në top-formë, shënon përsëri për Liverpoolin