Synohet fuqizimi i shqiptarëve të Luginës në Parlamentin e Serbisë
Vetëm dy ditë para zgjedhjeve parlamentare në Serbi, udhëheqësit politikë në Luginën e Preshevës, të përbashkuar në listën e vetme, kanë ftuar qytetarët që t`i përgjigjen votimit për zgjedhjet parlamentare.
“Shtruarja edhe më tejshme e kërkesave tona, që janë një vazhdimësi e kërkesave që nga 2001, 2009, 2013, 2022, në raport me qeverinë e re, në raport me ndërkombëtarët dhe sidomos në proces të lobimit për të drejtat e shqiptarëve, janë ato fusha të cilat do të orientohemi dhe do të organizohemi të punojmë si deputetë të nesërm, pra, në parlament”, ka thënë për RTK Shaip Kamberi, kryetar i Partisë për Veprim Demokratik.
“Këtë herë më në fund jemi bërë bashkë pas 6 viteve, edhe unë me padyshim… me shumë bindje besoj dhe shpresoj se këtë herë mund të arrijmë prapë të tretin në parlamentin e Republikës së Serbisë”, ka thënë Visar Mehmeti, kryetar i Alternativës për Ndryshim.
“Shqiptarët kërkojnë të drejtat e veta në këtë pjesë dhe orientimi politik është që bashkë me Kosovën, Shqipërinë dhe faktorin kombëtar që të përcjellin një mesazh për shqiptarët e Luginës së Preshevës që më 25 dhjetor të dalin populli shqiptar masovikisht në këtë pjesë, të votojnë për Koalicionin Shqiptar me numër 17”, ka thënë Shqiprim Musliu, kryetar i Lëvizjes së Progresit Demokratik .
Edhe kryetarja e Komunës së Preshevës, Ardita Sinani, thotë se me përbashkimin e listës së partive politike, pritet që të rritet numri i deputetëve shqiptarë në Serbi, si një mundësi që problemet e shqiptarëve të Luginës së Preshevës të kenë mundësi shumë më të madhe sensibilizimi, dhe atë jo vetëm në parlamentin e Serbisë.
Ndërkohë edhe Këshilli Kombëtar Shqiptar ka apeluar te qytetarët që të dalin në mënyrë masovike në zgjedhje.
Të rejat Lexo më shumë
Halil Kastrati dhe Bekim Jashari me mesazh për shqiptarët e Luginës së Preshevës
Milani i dënon sjelljet e tifozëve ndaj Maignanit, pas kartonit të kuq ndaj Bournemouthit
Vuçiqi përballet me sfidën më të madhe politike, zgjedhjet nën hijen e dyshimeve për manipulim