← Kthehu te Ballina

Sioni triumfon falë shqiptarëve, Rrudhani dhe Nivokazi gjejnë rrjetën

ShpërndajeFacebookWhatsApp
Sioni triumfon falë shqiptarëve, Rrudhani dhe Nivokazi gjejnë rrjetën

Donat Rrudhani dhe Rilind Nivokazi kanë shkëlqyer në fitoren e Sionit ndaj Servettes, duke shënuar nga një gol në triumfin 2-0 të skuadrës së tyre.

Ndeshja u zhvillua të shtunën mbrëma dhe i takoi javës së 14-të të Superligës së Zvicrës.

Rrudhani zhbllokoi rezultatin në minutën e 51-të, ndërsa Nivokazi e dyfishoi epërsinë e Sionit në minutën e 70-të, duke vulosur fitoren e rëndësishme ndaj Servettes.

Të dy futbollistët u zëvendësuan në minutën e 72-të, ndërsa Kreshnik Hajrizi ishte në fushë deri në minutën e 79-të. Benjamin Kololli nuk u aktivizua dhe e ndoqi ndeshjen nga banka e rezervistëve.

Shiko videon te burimi ↗ facebook.com

Në anën tjetër, portieri Leo Besson ishte në bankën e rezervistëve te Servette.

Për Rrudhanin, ky ishte goli i katërt në këtë edicion, ndërsa ka regjistruar edhe tri asistime në kampionat.

Në formë të mirë po vazhdon të jetë edhe Nivokazi, i cili me golin ndaj Servettes ka arritur në kuotën e shtatë realizimeve, krahas tri asistimeve./Telegrafi/

Burimi: telegrafi.com

Artikull i përzgjedhur dhe përpunuar automatikisht nga Zani Digjital.

Lajme të ngjashme