Siguria në Kosovë në fokus të takimit mes Policisë dhe drejtuesve të lartë të NATO-s
Drejtori i Përgjithshëm i Policisë së Kosovës, kolonel Gazmend Hoxha, ka pritur sot në takim admiralin George M. Wikoff, komandant i Komandës së Forcave të Përbashkëta Aleate në Napoli, si dhe komandantin e ri të misionit të KFOR-it në Kosovë, gjeneralmajor Roberto Vergori.
Gjatë takimit, Hoxha, së bashku me bashkëpunëtorët e tij, i ka njoftuar zyrtarët e lartë ushtarakë për situatën aktuale të sigurisë në Kosovë dhe bashkëpunimin ndërmjet Policisë së Kosovës dhe misionit të KFOR-it.
Sipas njoftimit, në takim janë diskutuar edhe çështje të tjera me interes në fushën e sigurisë, si dhe mundësitë për avancimin e mëtejshëm të bashkëpunimit me Komandën e Forcave të Përbashkëta Aleate në Napoli dhe KFOR-in.
Takimi vjen në kuadër të bashkëpunimit ndërmjet institucioneve të sigurisë së Kosovës dhe partnerëve ndërkombëtarë, me fokus në shkëmbimin e informacionit dhe koordinimin për çështjet që lidhen me sigurinë në vend.
Të rejat Lexo më shumë
“Unë dhe familja morëm qindra kërcënime me jetë”, Fatos Geci paralajmëron ankesë te Kryeprokurori
Thellohet kriza te Manchester Unitedi: Lojtarët i dalin kundër drejtuesve dhe mbrojnë Carrickun
Barcola në top-formë, shënon përsëri për Liverpoolin