Shiroka-Pula me tri akademike: Ekspertiza shkencore, e rëndësishme për zhvillimin e Kosovës
Presidentja e Republikës së Kosovës, Justina Shiroka-Pula, ka pritur në takim akademiket Myzafere Limani, Gjyljeta Mushkolaj dhe Zake Prelvukaj, me të cilat ka diskutuar për zhvillimin e arsimit të lartë, avancimin e shkencës dhe rolin e grave në jetën akademike dhe publike.
Gjatë takimit, vëmendje e veçantë i është kushtuar rëndësisë së institucioneve akademike në zhvillimin e shtetit, si dhe nevojës për shfrytëzimin e njohurive shkencore dhe përvojës profesionale në adresimin e sfidave me të cilat përballet Kosova.
Sipas njoftimit të Presidencës, Shiroka-Pula ka vlerësuar kontributin e tri akademikeve në fushat e tyre përkatëse, duke theksuar angazhimin e vazhdueshëm të tyre në zhvillimin e arsimit, shkencës dhe shoqërisë.
Në takim morën pjesë Myzafere Limani, akademike e fushës së elektroteknikës, Gjyljeta Mushkolaj, profesoreshë e drejtësisë, dhe Zake Prelvukaj, artiste dhe profesoreshë universitare.
Një nga temat e diskutimit ishte edhe kontributi i grave në institucionet akademike dhe në jetën publike, si dhe rëndësia e përvojës së tyre profesionale për zhvillimin e vendit.
Presidentja theksoi se ekspertiza akademike përbën një burim të rëndësishëm për përballimin e sfidave aktuale dhe avancimin e mëtejshëm të shtetit.
Takimi u përqendrua gjithashtu në rëndësinë e arsimit të lartë dhe kërkimit shkencor si faktorë të zhvillimit shoqëror dhe institucional të Kosovës.
Të rejat Lexo më shumë
Kriza kushtetuese në Poloni përshkallëzohet, vjen reagimi i presidentit
Bersant Celina vazhdon shkëlqimin në Arabinë Saudite, shpëton skuadrën e tij nga humbja
Atletico Madrid kryeson tabelën e LaLiga-s me Simeonen rekordmen!