Reshjet e borës mbyllin disa nga qafat kryesore alpine në Zvicër
Reshjet e dendura të borës kanë sjellë mbylljen e parakohshme të disa prej qafave më të rëndësishme alpine në Zvicër, duke kufizuar qarkullimin në disa akse kryesore rrugore.
Sipas portalit të qafave malore të TCS-së, ndër kalimet e mbyllura janë Gotthard, San Bernardino, Nufenen, Grimsel dhe Susten.
Mbylljet janë vendosur për arsye sigurie, ndërsa për disa prej qafave nuk është bërë i ditur afati i rihapjes, raporton Watson, transmeton
Ndërkohë, qafa e Furkës është mbyllur përkohësisht deri të hënën e ardhshme. Për kalimet që ndodhen në lartësi të mëdha, mbylljet dimërore janë të zakonshme, por këtë vit kushtet atmosferike kanë përshpejtuar ndërprerjen e qarkullimit në disa prej tyre.
Jo të gjitha qafat alpine janë të mbyllura
Qafat Albula dhe Flüela në Engadinë, Forcola di Livigno, Bernina, Julier dhe Ofen vijojnë të jenë të hapura për qarkullim.
Autoritetet u bëjnë thirrje drejtuesve të automjeteve të informohen për gjendjen e rrugëve përpara udhëtimit, pasi reshjet e borës dhe kushtet e vështira atmosferike mund të sjellin mbyllje të tjera të përkohshme.
Të rejat Lexo më shumë
Momenti kur shembet një ndërtesë shumëkatëshe në Kenia, frikë për persona të bllokuar nën rrënoja
Shasime Osmani, deputetja shqiptare në Parlamentin e Kantonit të Bernit, merr nënshtetësinë e Kosovës
Pas gjashtë vjetësh shqiptarët bashkohen në një listë, liderët e Luginës synojnë rikthimin e deputetit të tretë