Rama kritikon Qeverinë: Kosova nuk ecën drejt Evropës duke ua marrë kompetencat komunave
Kryetari i Komunës së Prishtinës, Përparim Rama, ka kritikuar ashpër qasjen e Qeverisë Kurti ndaj nivelit lokal, duke theksuar se Kosova nuk mund të bëjë hapa përpara drejt integrimit evropian duke kufizuar apo tjetërsuar kompetencat e komunave
Rama ka bërë të ditur se këtë shqetësim e ka ngritur sot gjatë takimit të katërt të Grupit Punues për Kosovën të Komitetit Evropian të Rajoneve (CoR), të mbajtur në Mitrovicën e Jugut.
Postimi i plotë:
Kosova nuk mund të ecë drejt Evropës duke ua marrë kompetencat komunave!
Sot, në Mitrovicën e Jugut, në takimin e katërt të Grupit Punues për Kosovën të Komitetit Evropian të Rajoneve (CoR), ngritëm shqetësimin për qasjen e Qeverisë Kurti ndaj pushtetit lokal dhe tendencën për t’ua marrë komunave kompetencat që u takojnë.
Demokracia forcohet duke u dhënë qytetarëve më shumë zë dhe mundësi për të vendosur. Komunat janë institucionet më të afërta me ta dhe i njohin nevojat e qytetarëve. Dobësimi i komunave është dobësim i demokracisë.
Decentralizimi, autonomia lokale dhe subsidiariteti janë parime themelore të Evropës që synojmë. Nuk mund të kërkojmë integrim evropian, ndërkohë që largohemi nga këto parime në praktikë.
Kosovës i duhen komuna të fuqishme dhe institucione që bashkëpunojnë. Si Kryetar i Prishtinës, do të vazhdoj ta mbroj autonominë lokale gjithmonë.
Më shumë autonomi për komunat. Më shumë pushtet për qytetarët.
Të rejat Lexo më shumë
Mickoski: Evropa po shndërrohet në një vullkan jo të qetë, çdo ditë shohim protesta
Truproja e kryeparlamentares bullgare rrëzon gazetaren, ajo pëson tronditje në tru
PDK kërkoi rishqyrtimin e Ligjit për Specialen, Deliu nuk pranon të përgjigjet