Rama fton sërish studentët në tryezën e dialogut para Kryeministrisë
Kryeministri Edi Rama, ka përsëritur ftesën për dialog me studentët protestues, të cilët prej më shumë se 20 ditësh kërkojnë dorëheqjen e tij.
Përmes një postimi në rrjetet sociale, Rama ka publikuar sërish pamje të tryezës së gurtë , të vendosur para godinës së Kryeministrisë, mbi të cilën qëndrojnë letra me mbishkrimin “Dialog”.
Pavarësisht ftesave të vazhdueshme të kreut të qeverisë, studentët kanë refuzuar të ulen në bisedime, duke këmbëngulur në kërkesën për largimin e tij nga detyra.
Në mbështetje të protestuesve janë bashkuar edhe pedagogë, të cilët kanë bojkotuar procesin mësimor.
Rama ka deklaruar më herët se qeveria është e gatshme të shqyrtojë propozimet dhe shqetësimet e studentëve, por deri më tani palët nuk kanë arritur marrëveshje për nisjen e dialogut.
Të rejat Lexo më shumë
Një person gjendet i vdekur në Suharekë, trupi dërgohet për obduksion
Barcelona hidhet në sulm për yllin e Arsenalit, Deco nis kontaktet për transferimin e janarit
Arrestohet një person në Ferizaj, dyshohet për dhunim