Rama flet për protestat me një gur në dorë: Janë një grup zjarri i paguar
“Nuk po sfidohem unë apo qeveria, por Shqipëria në Bashkimin Europian”
Kryeministri Edi Rama e ka nisur mëngjesin e kësaj të diele me një reagim nga zyra e tij, sa i takon protestave të ditëve të fundit.
“Dëmet nuk janë të vogla, por rregullohen”, deklaroi ai, ndërsa theksoi se është përpjekur të mos bjerë në kurthin e dhunës së verbër.
Me një gur në dorë, tha “se ajo armë mund të bëhet edhe vdekjeprurëse”. Sipas tij, nuk janë studentët që protestojnë, por një “grup zjarri i paguar”.
“Unë dua që ta nënvizoj këtë me shumë forcë, familjet e atyre djemve dhe vajzave, burrave dhe grave që janë me uniformë dhe nën uniformë marrin këtë dhuratë (për gurin) në breshëri, pa pushim! Me orë e orë të tëra, ndërkohë që në ekrane demonizohen si autorë të dhunës, janë familje që jetojnë me të ardhura shumë modeste, për sakrificën dhe qëndresën e këtyre heronjve të shtetit.
Në këto orë që nuk po sfidohem unë, qeveria, një shumicë qeverisëse, por një rrugë, një mision, një objektiv! Sfidohet Shqipëria europiane, Shqipëria e Bashkimit Europian e vitit 2030”, tha kreu i qeverisë referuar punonjësve të Policisë së Shtetit që kanë qenë në përballje frontale me protestuesit.
Të rejat Lexo më shumë
Vazhdojnë punimet në rrugën unazore në Junik, projekti financohet me mbi 437 mijë euro
Raporti 24-orësh i policisë: Kontrabandë me mallra, armë pa leje dhe dhunë në familje – 14 të arrestuar
KRU “Hidroregjioni Jugor” njofton për vazhdimin e ndërprerjes së furnizimit me ujë në disa fshatra