Punëtorët e KEK-ut paralajmërojnë protestë, kërkojnë rritje pagash
Punëtorët e Korporatës Energjetike të Kosovës (KEK) do të protestojnë të enjten, më 12 nëntor, duke kërkuar rritjen e pagave dhe realizimin e pagës së 13-të.
Protesta, e organizuar nga Sindikata e Re – KEK, është paralajmëruar të mbahet në orën 11:00, para zyrave të menaxhmentit të korporatës në Prishtinë.
Sipas njoftimit të sindikatës, kërkesat kryesore të punëtorëve janë ngritja dhe nivelizimi i pagave, si dhe realizimi i pagës së 13-të për të gjithë të punësuarit në KEK për vitin 2026.
Organizatorët theksojnë se protesta synon përmirësimin e kushteve financiare dhe trajtimin e barabartë të punëtorëve.
“Për paga dinjitoze, për barazi dhe për respektimin e të drejtave të punëtorëve!”, thuhet në njoftimin e Sindikatës së Re – KEK.
Protesta është paralajmëruar për 12 nëntor, ndërsa në njoftim nuk janë dhënë hollësi për kohëzgjatjen e saj apo për veprimet e mundshme sindikale pas kësaj date.
Të rejat Lexo më shumë
Dështimi i rikthimit të B1 në funksion, mundësi për “mafinë energjetike”, thotë Haradinaj
Spalletti e dëshiron me çdo kusht, Juventusi përgatit goditjen e madhe ndaj Napolit
Dyvjeçari Leka ka nevojë për 200 mijë euro për trajtim jashtë Kosovës, familja kërkon ndihmë