Punëtorët e KEK-ut kundër marrjes së qymyrit, kërkojnë rritje pagash dhe pagën e 13-të
Sindikata e Re e punëtorëve të KEK-ut ka mbajtur sot tri takime me punëtorët e Termocentralit Kosova B, Termocentralit Kosova A dhe Divizionit të Prodhimit të Qymyrit (DPQ) – Rikultivim.
Pas diskutimeve dhe konsultimeve, punëtorët kanë shprehur qëndrimin e tyre kundër marrjes së qymyrit nga KEK-u.
Përveç kësaj, ata i kanë kërkuar Sindikatës që të zhvillojë një takim me menaxhmentin e Korporatës Energjetike të Kosovës (KEK), lidhur me kërkesat e paraqitura më 19 tetor.
Kërkesat kryesore të punëtorëve janë rritja dhe nivelizimi i pagave, si dhe pagesa e pagës së 13-të për vitin 2026.
Përmes një njoftimi, Sindikata ka bërë të ditur se do t’i përfaqësojë këto qëndrime dhe kërkesa në komunikimin me menaxhmentin e korporatës, duke theksuar se mbrojtja e interesave dhe të drejtave të punëtorëve mbetet obligim i saj.
“Qëndrimi i punëtorëve është obligim për Sindikatën!”, thuhet në reagimin e Sindikatës.
Të rejat Lexo më shumë
PDK: Drejtori i policisë nuk mund të bëhet ‘kurban’ për rastin e Arlinda Zekajt
Man City rrezikon dënimin historik, zbulohet ndëshkimi i rëndë që mund ta presë
Protesta për Arlinda Zekajn vazhdon për të tretën ditë, protestuesit mblidhen në sheshin e Prishtinës