Protestuesit në Tiranë nisin marshimin drejt Ministrisë së Arsimit, autobotët me ujë në gatishmëri
Protesta e studentëve në Tiranë vijon edhe në ditën e pestë. Një grup protestuesish është nisur nga zona e Selvisë drejt Ministrisë së Arsimit, ku mbërriti rreth orës 11:02.
Sipas informacioneve paraprake, pranë institucionit është bërë gati edhe autoboti me ujë, ndërsa studentët kanë nisur marshimin e tyre.
Protestat vijojnë në kryeqytet, ndërsa situata pranë Ministrisë së Arsimit mbetet në zhvillim.
Protesta e sotme vjen pas katër ditësh të shoqëruara me tensione, përplasje mes protestuesve dhe policisë, si dhe dëmtime të institucioneve publike dhe bizneseve në kryeqytet.
Në terren janë pozicionuar forcat e policisë, ndërsa pranë Ministrisë së Arsimit janë vendosur edhe autobotet, në kuadër të masave të marra për menaxhimin e situatës.
Ndërkohë, godina e Ministrisë së Arsimit vijon të jetë e dëmtuar nga incidentet e ditëve të mëparshme.
Protestat nisën të martën, fillimisht me bojkotimin e mësimit nga nxënës dhe studentë, por më pas u përshkallëzuan, duke u shtrirë edhe në qytete të tjera të vendit.
Protestuesit shprehin pakënaqësinë ndaj qeverisë dhe kërkojnë dorëheqjen e kryeministrit Edi Rama, ndërsa në qendër të revoltës janë edhe akuzat për korrupsion dhe kërkesat për ndryshime në arsim.
Të rejat Lexo më shumë
Rrëzohet shtylla elektrike në Landovicë, banorët kërkojnë intervenim urgjent nga KEDS-i
Hapet rruga për hapat e fundit për finalizimin e aplikimit të Kosovës në SEPA – do të mundësojë pagesa ndërkufitare më të shpejta
Për gjashtë orë, 541 shoferë u sanksionuan për tejkalim shpejtësie