Protestuesit godasin policinë me llastiqe dhe kapsolla në Tiranë
Në Tiranë po zhvillohen sot dy protesta kombëtare, njëra e organizuar nga studentët, pedagogët dhe të rinjtë para Ministrisë së Arsimit, dhe tjetra e thirrur nga Partia Demokratike para Kryeministrisë.
Disa protestues kanë qëlluar me llastiqe dhe kapsolla në drejtim të policisë para Ministrisë së Arsimit. Protestuesit e maskuar janë rreshtuar përballë efektivëve të policisë dhe kanë qëlluar në drejtim të tyre me llastiqe dhe gurë.
Po ashtu, protestuesit kanë ndezur tymuese blu dhe të kuqe, si dhe janë djegur kartonë dhe kosha mbeturinash në rrugën përpara institucionit.
Kujtojmë, protestuesit e mbledhur para Ministrisë së Arsimit nuk kanë mirëpritur pjesëmarrësit e protestës së Partisë Demokratike dhe nuk kanë lejuar bashkimin e tyre me protestën studentore.
Protesta studentore vijon prej 19 ditësh, ndërsa Partia Demokratike ka organizuar tubimin e saj të dytë kombëtar në mbështetje të studentëve.
Të rejat Lexo më shumë
Pse Gjykata Kushtetuese është kthyer në qendër të konfliktit politik në Poloni?
Mazreku kundërshton idenë për shndërrimin e Parkut të Mirushës në projekt biznesor, Komuna: Do të mbetet hapësirë publike
Prishtina triumfon në Podujevë, barazohet me Malishevën në krye të tabelës