Prishtina fiton në udhëtim derbin ndaj Llapit
Prishtina ka marrë një fitore të madhe 1-0 në udhëtim te Llapi në ndeshjen e vlefshme për javën e 12-të në Albi Mall Superligën e Kosovës.
Ekipi i Orges Shehit është kthyer te fitorja në kampionat, duke mposhtur Llapin në “Zahir Pajaziti” pas humbjes në shtëpi nga Drita.
Pjesa e parë e ndeshjes u karakterizua me lojë më të mirë të mysafirëve, të cilët përveç rasteve shënuan edhe një gol.
Goli i vetëm në këtë pjesë erdhi në minutën e katërt të ndeshjes me anë të Leotrim Kryeziut, i cili shënoi për 0-1 pas një asistimi të mirë të Blendi Baftiut.
Në pjesën e dytë, u zhvillua lojë më e barabartë, me të dyja skuadrat që patën rastet e veta, duke rrezikuar shpeshherë portën e Artan Iljazit dhe Vokli Laroshit.
Megjithatë, asnjëra nuk arriti ta gjejë rrjetën dhe në fund Prishtina mori tri pikë të mëdha me një fitore minimale 0-1.
Pas kësaj fitore, Prishtina e sheh veten në pozitën e dytë me 26 pikë, po aq sa Malisheva liderë, ndërsa Llapi zë vendin e parafundit me vetëm pesë pikë.
Në ndeshjen e ardhshme, kryeqytetasit presin Vushtrrinë, ndërsa llapjanët udhëtojnë te Dukagjini.
Të rejat Lexo më shumë
Nëntë familje në Mitrovicë në kontest me Infrakos për pronën ku jetojnë prej më shumë se 20 vjetësh
Drita vazhdon serinë e fitoreve, mposht Vushtrrinë dhe i afrohet kreut
Keq e më keq për Manchester Unitedin, karton i kuq dhe gol për Chelsean!