Policia e Kosovës që pesë vjet pa uniforma të reja
“Uniforma nuk është shpërndarë që nga viti 2021, ka pas shpërndarje vetëm aty ku ka pasur nevojë, por uniformë të rregullt, me shpërnda qysh është me rregullore deri më tani nuk ka pasur.”
Kështu ka deklaruar kryetari i Sindikatës së Policisë së Kosovës, Avdi Hoti për Radio Dukagjinin, derisa ka folur për mungesën e uniformave të reja të zyrtarëve policor, të cilat nuk janë ndërruar që pesë vjet.
“Është fjala te policia e rendit, se Policia e Njësive Speciale, vazhdimisht kanë pasur furnizim. Besoj në fund të tetorit ose fillim nëntorit, besoj se do të bëhet funrnizimi me uniform. Nëse nuk ndodh, ne përsëri do të japim informata”, thotë Hoti.
Që 3 vjet uniformat e njejta, thotë një zyrtar policor emri i njohur për redaksinë.
Për ish-drejtorin e Policisë së Kosovës, Reshat Maliqi, Policia ka për obligim të sigurojë me kohë, uniformën e verës dhe të dimrit
“Policia e Kosovës ka për obligim me sigurua me kohë sidomos uniformrën e verës dhe të dimrit, sepse në kohë të dimrit nuk ka mundësi që të punohet në teren, me uniforma të verës. Është e vërtetë se gjithmonë kemi hasur në telashe me vonesa të shumta të uniformës, për arsye të lloj-llojshme që kanë ndodhur” theksoi Maliqi.
Sipas Maliqit, policia po përballet edhe me mungesë të hapësirave, që sipas tij, policia ka nevojë për objekte të reja për policinë./ Radio Dukagjini
Të rejat Lexo më shumë
Zvicra planifikon shkurtime në transportin hekurudhor, disa linja rajonale rrezikojnë të preken
Putini raportohet se nuk po arrin të aterrojë në Moskë për shkak të sulmit me dronë
Aksident i rëndë në rrugën Prishtinë-Gjilan, një veturë del plotësisht jashtë rrugës