Poetja kanadeze Anne Carson fiton Nobelin e Letërsisë
Poetja, eseistja dhe përkthyesja kanadeze Anne Carson është laureatja e Çmimit Nobel për Letërsinë 2026.
Carson, 76 vjeçe, është vlerësuar për veprën e saj letrare që shpesh ndërthur kufijtë mes poezisë, fiksionit dhe studimeve akademike, transmeton
Komiteti Nobel tha se e përzgjodhi Carson “për veprën e saj të guximshme dhe novatore, e cila, në një dialog lozonjar me traditën klasike, ka krijuar forma të reja për letërsinë bashkëkohore”.
Çmimi Nobel për Letërsinë jepet për një vepër të tërë jetësore, duke e konsideruar atë ndër vlerësimet më prestigjioze në botën e letërsisë. Laureatja e këtij viti do të marrë 12 milionë korona suedeze ose 1.2 milionë dollarë.
Carson është e njohur gjithashtu për përkthimet e saj nga letërsia e lashtë greke dhe ka shërbyer për më shumë se 30 vjet si profesoreshë e klasikëve.
Me këtë vlerësim, Carson bëhet një nga figurat më të rëndësishme të letërsisë bashkëkohore që nderohen nga Akademia Suedeze, ndërsa vepra e saj shquhet për ndërthurjen e poezisë me traditën klasike dhe format eksperimentale të shkrimit.
Të rejat Lexo më shumë
Haziri: LDK-ja nuk e kundërshtoi rezolutën, pjesëmarrja në seancë dhe mosvotimi ishin akte politike
Talenti i Arsenalit fiton tri rekorde botërore në Guinness pasi bëri histori për skuadrën e Artetas
Dogana zbulon 30,550 euro të padeklaruara në një veturë në Bërnjak