← Kthehu te Ballina
Politikë 19/10/2026 21:31

Përplasjet mes protestuesve e Policisë në Tiranë përmes fotove

Përplasjet mes protestuesve e Policisë në Tiranë përmes fotove

Dita e shtatë e protestës është shoqëruar me një përshkallëzim të tensioneve gjatë orëve të mbrëmjes, ku grumbullimet e të rinjve kaluan në përplasje të hapura me forcat e rendit përgjatë disa prej nyjeve kryesore të kryeqytetit.

Në ditën e shtatë radhazi, protestuesit në Shqipëri kanë vetëm një kërkesë: largimin e kryeministrit Edi Rama.

Telegrafi u sjellë disa nga pamjet më dramatike të kësaj proteste.

LSA PHOTO

Protestuesit kanë dalë në rrugët e Tiranës, por edhe në disa qytete të tjera të vendit.

LSA PHOTO

Në gjashtë ditët e mëparshme, përplasjet me policinë kanë qenë të ashpra, ndërsa institucione të ndryshme janë sulmuar me gurë.

LSA PHOTO

Përballë përshkallëzimit të dhunës, efektivët e Policisë së Shtetit ndërhynë me mjete të posaçme për kontrollin e turmës.

LSA PHOTO

Me shpërndarjen e bërthamës kryesore nga sheshi, përplasjet u fragmentuan në disa rrugë dytësore dhe zona banimi.

LSA PHOTO

Grupe protestuesish vijuan të hidhnin sende të forta dhe t’u vinin zjarrin kazanëve të mbeturinave te zona e “9 Katësheve” dhe përgjatë Rrugës së Dibrës.

LSA PHOTO

Policia u kundërpërgjigj duke përdorur gaz lotsjellës dhe ujë në përpjekje për të shpërndarë turmën e mbledhur, ndërsa përballej me goditjet e vazhdueshme me lëndë piroteknike.

LSA PHOTO

Ministria e Brendshme deklaroi se mosha e mitur nuk i përjashton nga përgjegjësia penale ata që shkaktojnë dhunë.

LSA PHOTO

Gjatë marshimit janë hedhur kapsolla, fishekzjarre dhe molotovë, ndërsa në rrugë janë ndezur zjarre.

Reklamë