Përfundon trajnimi për shuarjen e zjarreve, certifikohen 25 zyrtarë në Akademinë e Kosovës për Siguri Publike
Agjencia e Menaxhimit Emergjent (AME) ka njoftuar se më 5 nëntor ka përfunduar me sukses trajnimi me temën “Përdorimi i mjeteve themelore për shuarjen e zjarrit”, i organizuar në Akademinë e Kosovës për Siguri Publike.
Në këtë trajnim morën pjesë 25 zyrtarë nga Ministria e Ekonomisë dhe Qendra Kryesore e Mjekësisë Familjare në Vushtrri.
Sipas AME-së, trajnimi përfshiu pjesën teorike dhe praktike, duke u mundësuar pjesëmarrësve të fitojnë njohuri dhe aftësi për përdorimin e pajisjeve për shuarjen e zjarrit dhe reagimin e duhur në situata emergjente.
Gjatë ushtrimeve praktike, zyrtarët demonstruan përdorimin e aparateve për shuarjen e zjarrit në situata të simuluara, me qëllim rritjen e gatishmërisë për ndërhyrje të sigurt dhe efektive.
Agjencia e Menaxhimit Emergjent ka theksuar se trajnimet e tilla janë të rëndësishme për ngritjen e kapaciteteve institucionale dhe forcimin e kulturës së parandalimit dhe sigurisë.
“Parandalimi, përgatitja dhe reagimi profesional janë tri shtyllat kryesore të sigurisë dhe mbrojtjes së jetës dhe pronës”, thuhet në njoftimin e AME-së.
Në fund, agjencia ka përgëzuar të gjithë pjesëmarrësit për përfundimin e suksesshëm të trajnimit, duke i falënderuar për bashkëpunimin.
Të rejat Lexo më shumë
Sot pritet të miratohet buxheti i Komisionit hetimor rreth vrasjes së Arlinda Zekajt
Dogana zbulon mallra falso në vlerë mbi 70 mijë euro
Kaos në trafikun ajror europian nga kërcënimet me bomba, “shtohet frika për luftë hibride” – Moska mohon se është e involvuar