← Kthehu te Ballina
Lajme 28/10/2026 00:17

Pas pak pritet dorëzimi i Albert Sylajt

Pas pak pritet dorëzimi i Albert Sylajt

Njësitet operative policore kanë arritur të lokalizojnë Albert Sylajn, i dyshuar për vrasjen e kunatës së tij, Arlinda Zekajn.

Burime të IndeksOnline pohojnë se Sylaj u lokalizua në rrethinë të Becit të Gjakovës, teksa nga çasti në çast mund të ndodhë arrestimi i tij.

Bëhet fjalë për një terren jo të lehtë malor, të pozicionuar ndërmjet Gjakovës dhe Deçanit.

Forca të shumta policore janë përfshirë në aksionin e zgjeruar për kapjen e Sylajt që, prej kur e vrau me sëpatë kunatën e tij në Vitomiricë, gjendet në arrati.

Ndërmjet palëve po diskutohet dorëzimi i Albertit, i cili ka vendosur dy kushte për dorëzim.

Kujtojmë se Sylaj e vrau të dielën kunatën e tij, Arlindën, e cila ishte kthyer në shtëpinë e saj pas intervistimit në stacion policor, si viktimë e dhunës në familje.

IndeksOnline do t’iu mbajë të informuar mbi rastin.

Reklamë