Parandalohet futja e substancave narkotike në qendrën e paraburgimit në Prishtinë
Gjatë kontrolleve të rregullta të realizuara nga stafi i Sigurimit në Qendrën e Paraburgimit në Prishtinë, është zbuluar një substancë e dyshuar narkotike në perimetrin e brendshëm të institucionit.
Kontrollet janë realizuar me fillimin e ndërrimit të punës, sipas praktikave të zakonshme të sigurisë, me ç’rast janë kontrolluar edhe shëtitoret brenda hapësirës së rrethojës së institucionit.
Lidhur me rastin, është njoftuar Policia e Kosovës dhe sasia e dyshuar narkotike është konfiskuar. Gjithashtu, janë ndërmarrë të gjitha veprimet e nevojshme, në përputhje me rregulloret dhe legjislacionin në fuqi.
Kontrollet e rregullta dhe vigjilenca e stafit të Sigurimit janë pjesë e angazhimit të vazhdueshëm të Shërbimit Korrektues të Kosovës për ruajtjen e sigurisë dhe parandalimin e futjes së sendeve dhe substancave të palejuara në institucionet korrektuese.
Artikull i përzgjedhur dhe përpunuar automatikisht nga Zani Digjital.
Lexo më shumë
Vazhdon “lufta” e Kosovës për kthimin e Kamenovës në Mal të Zi – çfarë dihet deri më tani?
Kurti takohet me kryeministrin britanik, e cilëson Mbretërinë e Bashkuar partnere të posaçme të Kosovës
I mituri sulmon një bashkëmoshatar në Drenas, viktima pëson lëndime të rënda trupore
