OVL-UÇK me kritika të ashpra ndaj Speciales: 240 konferenca nuk garantojnë drejtësi
Organizata e Veteranëve të Luftës së Ushtrisë Çlirimtare të Kosovës (OVL-UÇK) ka reaguar pas njoftimit të Gjykatës Speciale për organizimin e 240 konferencave për media, duke kritikuar transparencën e saj dhe duke kërkuar drejtësi të paanshme, transparencë në proceset gjyqësore dhe respektim të të drejtave themelore të njeriut.
Në reagimin e saj, OVL-UÇK ka drejtuar kritika ndaj kryetares së Dhomave të Specializuara, Ekaterina Trendafilova.
“Znj. Trendafilova, ju dhe Gjykata Speciale që udhëheqni, jeni turpi i drejtësisë ndërkombëtare!”, thuhet në reagimin e OVL-UÇK-së.
Sipas OVL-UÇK-së, organizimi i konferencave për media nuk është i mjaftueshëm për të garantuar transparencën dhe drejtësinë në proceset gjyqësore.
“Gjykata Speciale mund të ketë organizuar 240 konferenca për media, por qytetarët e Kosovës nuk kanë nevojë për 240 konferenca për ta kuptuar drejtësinë. Ata kanë nevojë për drejtësi të paanshme, transparencë në proces dhe respektim të të drejtave themelore të njeriut. Komunikimi transparent nuk mund të shërbejë si mbulesë për shkeljet e mundshme në proceset gjyqësore”, thuhet në reagimin e organizatës.
OVL-UÇK ka ngritur gjithashtu pyetje lidhur me transparencën e Gjykatës Speciale për pretendimet dhe shqetësimet e mbrojtjes, kushtet e paraburgimit dhe të drejtat e të akuzuarve.
“A ka qenë po aq transparente edhe për pretendimet dhe shqetësimet e mbrojtjes, për ankesat lidhur me kushtet e paraburgimit dhe për pretendimet për shkelje të të drejtave të të akuzuarve?”, thuhet në reagimin e OVL-UÇK-së.
Të rejat Lexo më shumë
Suhareka ndan 63 lopë për fermerët, vitin e ardhshëm planifikohen mbi 100 tjera
Çfarë dihet deri më tani për lidhjen e Jensen Huangut me një grua të dyshuar si spiune kineze
“Si mund të luash volejboll kur nëna jote mban shami?”, ylli turk me prejardhje boshnjake rrëfen paragjykimet me të cilat është përballur