NPL “Kastrioti” paralajmëron mbështetje për qytetarët e Obiliqit në rast të përmbarimit të faturave nga “Pastrimi”
NPL “Kastrioti” ka njoftuar qytetarët e Obiliqit se nga 1 qershori i vitit 2026 përgjegjësinë për menaxhimin, grumbullimin dhe faturimin e mbeturinave në këtë komunë e ka marrë kjo ndërmarrje.
Në një njoftim të kryeshefit ekzekutiv, Flakron Mjekiqi, thuhet se për periudhën nga qershori 2026 e tutje, KRM “Pastrimi” nuk është ndërmarrja përgjegjëse për ofrimin e këtyre shërbimeve në territorin e Obiliqit.
NPL “Kastrioti” ka bërë të ditur se, në rast se KRM “Pastrimi” nis procedura përmbarimore për faturat e kësaj periudhe, do t’i mbështesë qytetarët në kundërshtimin e kërkesave të tilla, në përputhje me procedurat ligjore.
Sipas njoftimit, qëllimi është mbrojtja e interesit të qytetarëve dhe garantimi i sigurisë juridike, në mënyrë që ata të mos ngarkohen me detyrime për shërbime, përgjegjësia për ofrimin e të cilave duhet të verifikohet.
Megjithatë, njoftimi i NPL “Kastrioti” paraqet qëndrimin e kësaj ndërmarrjeje dhe nuk nënkupton vetvetiu se faturat e lëshuara nga KRM “Pastrimi” janë të pavlefshme ose se procedurat përmbarimore do të anulohen. Kjo çështje varet nga baza ligjore dhe rrethanat konkrete të secilit rast.
Të rejat Lexo më shumë
Lituania planifikon rekrutimin ushtarak universal
Ballkani dhe Drenica duan tri pikët, formacionet zyrtare
Balla reagon pas takimit me presidentin Begaj: Merrni pjesë në zgjedhje vendore, bojkoti nuk është zgjidhje