← Kthehu te Ballina
Lajme 06/11/2026 23:31

Një person gjendet pa shenja jete në Prishtinë, policia nis hetimet

Një person gjendet pa shenja jete në Prishtinë, policia nis hetimet

Një person është gjetur pa shenja jete të premten mbrëma në Prishtinë.

Lajmin e ka konfirmuar për Telegrafin zëdhënësi i Policisë për rajonin e Prishtinës, Enis Pllana, i cili ka bërë të ditur se informatën për rastin e kanë pranuar rreth orës 20:00.

Sipas tij, vdekja e viktimës është konstatuar nga ekipi mjekësor në vendin e ngjarjes.

“Policia, në koordinim me prokurorin e shtetit, ka nisur një hetim mbi vdekjen, si dhe po vazhdon me ndërmarrjen e të gjitha veprimeve hetimore dhe ekzaminuese që do të ndihmonin në hetimin e ngjarjes dhe sqarimin e plotë të rrethanave të rastit”, ka njoftuar Pllana.

Policia nuk ka dhënë detaje të tjera lidhur me identitetin e viktimës apo rrethanat në të cilat ka ndodhur rasti.

Reklamë