Nis seanca gjyqësore ndaj Arblind Pirevës, i akuzuar për vrasjen e Agron Hajdarit
Në Gjykatën Themelore në Prishtinë, paraditen e së martës, ka nisur seanca gjyqësore ndaj Arblind Pirevës, i akuzuar për vrasjen e rëndë të Agron Hajdarit.
Pireva ishte vetëdorëzuar te hetuesit policorë pas ngjarjes së rëndë dhe, gjatë intervistimit, kishte pranuar kryerjen e veprës penale.
Vrasja kishte ndodhur mbrëmjen e 27 majit, rreth orës 20:35, në rrugën “Rifat Berisha” në Prishtinë. Policia kishte pranuar informacione për të shtëna me armë zjarri dhe një person të plagosur.
Njësitë policore dhe ekipi emergjent kishin dalë menjëherë në vendin e ngjarjes, ku ishte konstatuar vdekja e Agron Hajdarit, si pasojë e plagëve të marra nga të shtënat. Sipas të dhënave të hetimit, viktima ishte qëlluar në kokë, gjoks dhe shpinë.
Pas ngjarjes, i dyshuari ishte larguar nga vendi i krimit dhe kishte qenë në arrati për disa orë, ndërsa Policia kishte ndërmarrë veprime për lokalizimin dhe arrestimin e tij.
Të rejat Lexo më shumë
Vetura përplaset me një grup njerëzish në Gjermani, pesë të lënduar
Viruset po mbushin klinikat, mjekët apelojnë të mos përdoren antibiotikët pa nevojë
Alarm në aviacionin evropian, 3 në 4 pilotë i zë gjumi gjatë fluturimit