← Kthehu te Ballina
Lajme 14/10/2026 15:15

Ngritet kallëzim penal ndaj një zyrtari policor në Kratovë, ka qëlluar me armë zjarri

Ngritet kallëzim penal ndaj një zyrtari policor në Kratovë, ka qëlluar me armë zjarri

MPB njofton se ka ngritur kallëzim penal kundër zyrtarit policor i cili dyshohet se ka kryer veprën penale "Shkaktim i rrezikut të përgjithshëm".

"Departamenti për Kontroll të Brendshëm, Hetime Kriminalistike dhe Standarde Profesionale pranë MPB-së ka paraqitur kallëzim penal në Prokurorinë Themelore Publike kompetente në Kumanovë kundër M.N., për shkak të dyshimeve për kryerjen e veprës penale "Shkaktim i rrezikut të përgjithshëm", sipas nenit 288 të Kodit Penal.

I kallëzuari, i punësuar në Departamentin për Operacione Speciale Policore pranë MPB-së, më 01.08.2026, jashtë orarit të punës, në dy raste, para një objekti hotelierik dhe në sheshin e Kratovës, ka qëlluar disa herë në ajër me pistoletën zyrtare që e kishte në përdorim.

Departamenti për Kontroll të Brendshëm do të paraqesë propozim për fillimin e procedurës për përcaktimin e përgjegjësisë për shkeljen e rendit dhe disiplinës së punës dhe do të shqiptojë masa të detyrueshme për largimin nga vendi i punës deri në përfundimin e procedurës disiplinore – pezullim", thonë nga MPB.

Reklamë