Në grevë punëtorët e sigurimit fizik në Fakultetin e Edukimit, shkak pagat e papaguara
Punëtorët e sigurimit fizik në Fakultetin e Edukimit të Universitetit të Prishtinës kanë hyrë në grevë, duke kërkuar përmbushjen e obligimeve ligjore nga kompania për të cilën punojnë.
Sipas njoftimit nga Federata Sindikale e Punëtorëve Teknik të Sektorit Privat të Kosovës, greva ka nisur për shkak të mospagesës së pagave për muajin shtator, si dhe vonesave të konsiderueshme në pagesën e kontributeve pensionale në Trustin e Kursimeve Pensionale.
Punëtorët kanë ndërmarrë këtë veprim në shenjë pakënaqësie ndaj mosrespektimit të obligimeve që burojnë nga marrëdhënia e punës.
Në njoftim theksohet se këto shkelje cenojnë të drejtat e punëtorëve, ndërsa nuk janë dhënë detaje të tjera lidhur me kohëzgjatjen e grevës apo reagimin e kompanisë përgjegjëse.
Deri më tani, nuk ka informacione shtesë lidhur me hapat e ardhshëm për zgjidhjen e kësaj çështjeje.
Të rejat Lexo më shumë
U paraqit si francez dhe hapi bizenese në Zvicër, kosovari dënohet nga gjykata
A duhet ta ndalojnë sheqerin pacientët me kancer? Sqaron onkologu
Dogana e Kosovës ndalon mallra të padeklaruara në Han të Elezit