Ndërron jetë drejtori i NPL “Tregut” në Gjilan, vëllau i dy figurave të njohura
Është ndarë nga jeta papritmas, drejtori i NPL-së “Tregu” në Gjilan, Bajram Isufi.
Isufi kishe udhëhequr Drejtorinë e Bujqësisë dhe Pylltarisë në Komunën e Gjilanit, gjatë mandatit të kaluar, shkruan
Ai po ashtu ishte vëllau i këngëtarit të njohur, Faton Isufi, si dhe i këshilltarit ushtarak të presidentes Shiroka-Pula, Seferit.
Për vdekjen e tij, ngushëllime ka shprehur kryetari i Gjilanit, Alban Hyseni, duke e çmuar lart kontributin e të ndjerit.
“Humbja e tij është një goditje jo vetëm për familjen, por edhe për institucionet tona dhe të gjithë ata që patën fatin ta njohin e të punojnë me të” shkroi Hyseni.
Ky është postimi i plotë i tij:
Me pikëllim të madh mora lajmin për ndarjen e parakohshme nga jeta të bashkëpunëtorit tonë, profesionistit dhe njeriut të urtë, Bajram Isufi.
Bajrami do të kujtohet gjithmonë për përkushtimin e tij të jashtëzakonshëm, ndershmërinë dhe kontributin e çmuar që dha për vendin dhe qytetin e Gjilanit, duke filluar që nga rreshtimi i tij në radhët e Ushtrisë Çlirimtare të Kosovës, e deri te angazhimi i tij i palodhshëm si Drejtor i Bujqësisë dhe Pylltarisë, ashtu edhe në krye të Ndërmarrjes Publike Lokale “Tregu”. Ai ishte shembull i atdhedashurisë, punës, korrektësisë dhe respektit për çdo qytetar e koleg.
Humbja e tij është një goditje jo vetëm për familjen, por edhe për institucionet tona dhe të gjithë ata që patën fatin ta njohin e të punojnë me të.
Në emrin tim personal dhe në emër të Komunës së Gjilanit, i shpreh ngushëllimet më të sinqerta familjes Isufi, miqve, kolegëve, bashkëluftëtarëve dhe të gjithë atyre që e njohën.
Të rejat Lexo më shumë
Bozhinovska: Interkonektori i gazit me Greqinë do të përfundojë në vitin 2027, lidhja me Serbinë planifikohet për vitin 2028
Gjenden të vdekur në shtrat nëna dhe djali 6-vjeçar, arrestohet ish-partneri i saj brazilian, dyshohet se janë mbytur
“E shpërfytyroi ariu, pastaj qëlloi veten”, nënë e bir mohojnë vrasjen e Urim Fikut