Musliu-Shoshi: Arlinda e paralajmëroi vdekjen e saj, por shteti nuk e mbrojti – kush do të japë llogari?
Një vrasje e rëndë ndodhi mbrëmjen e së dielës në fshatin Vitomiricë të Pejës.
Bëhet fjalë për Arlinda Zekaj nga Vitomerica e Pejës. Vdekja e saj dyshohet se është shkaktuar nga goditjet me një mjet të fortë.
Si i dyshuar është identifikuar një person që dyshohet se është kunati i viktimës, i cili aktualisht ndodhet në arrati.
Lidhur me këtë ka ardhur reagimi nga ana e deputetës së PDK-së, Ariana Musliu-Shoshi. Sipas deputetës së PDK-së Arlinda e paralajmëroi vdekjen e saj, por shteti nuk e mbrojti.
Reagimi i plotë:
ARLINDA E KISHTE FRIKË PIKËRISHT FUNDIN QË E PËSOI!
Arlinda kërkoi ndihmë. Paralajmëroi rrezikun. Iu drejtua institucioneve të shtetit, atyre që paguhen dhe kanë detyrim ligjor ta mbrojnë jetën e qytetarëve.
Por sot Arlinda nuk jeton më, sepse shteti e neglizhoi!
Letra e saj drejtuar Kryeprokurores është dëshmi rrëqethëse e frikës së një gruaje që kërkonte të drejtën më elementare: TË JETONTE!
Sa paralajmërime duhet t’i marrë shteti për ta shpëtuar jetën e një gruaje? Sa gra të tjera duhet të vriten që institucionet të zgjohen?
Kërkoj hetim të menjëhershëm, të pavarur dhe llogaridhënie për çdo zyrtar e institucion që ka pranuar denoncimet e Arlindës dhe ka dështuar të ndërmarrë masat e nevojshme për mbrojtjen e saj.
Kur një grua paralajmëron se jeta e saj është në rrezik dhe përfundon e vrarë, nuk mjafton të hetohet vetëm vrasja. Duhet të hetohet edhe çdo mosveprim institucional që mund ta ketë bërë të mundur atë.
Drejtësi nuk ka pa përgjegjësi!
Të rejat Lexo më shumë
Fondacioni i ri në Zvicër u bën thirrje pensionistëve ta dhurojnë pensionin e 13-të për njerëzit në nevojë
Reagon kompania ku ishte e punësuar Arlinda Zeka
“Jam i zhgënjyer”, Hansi Flick pas humbjes ndaj Realit: Nuk ishte e lehtë!