Moti në Shqipëri, reshje shiu dhe shtrëngata
Shqipëria të shtunën pritet të ndikohet nga kushte atmosferike të paqëndrueshme. Moti parashikohet me vranësira mesatare deri të dendura si dhe intervale kthjellimesh.
Shërbimi Meteorologjik Ushtarak njofton se reshjet e shiut parashikohen të jenë prezentë që në orët e para të 24-orëshit në pjesën më të madhe të territorit me intensitet të ulët lokalisht deri mesatar në ekstremin veriperëndimor.
Gjatë ditës reshjet e herëpashershme të shiut priten të jenë prezentë në pjesën më të madhe të vendit me intensitet kryesisht të ulët, ndërsa lokalisht në veriperëndim dhe jugperëndim reshje me intensitet deri mesatar, hera-herës reshje shiu në formën e shtrëngatave afatshkurtra.
Era parashikohet të fryjë me drejtim kryesor nga kuadrati i jugut me shpejtësi mesatare 8 m/s, e cila hera-herës pritet të fitojë shpejtësi deri në 16 m/s, kryesisht përgjatë vijës bregdetare dhe zonave luginore të vendit.
Valëzim në dete të forcës 4-6 ballë. /Telegrafi/
Artikull i përzgjedhur dhe përpunuar automatikisht nga Zani Digjital.
Lexo më shumë
Dita e ndeshjes: Kosova synon vetëm fitore ndaj Izraelit
Rikthehen fluturimet në SHBA pas kaosit në aeroporte – rreth 10 mijë anulime për shkak të një defekti në sistemin e trafikut ajror
Kosova po merr pjesë në Konferencën e 48-të të Frankofonisë
