Modeli i SPAK-ut në fokus, Tahiri propozon tri prioritete për Komisionin për Legjislacion
Shefi i Grupit Parlamentar të Aleancës, Besnik Tahiri, ka paraqitur tri propozime në Komisionin për Legjislacion, duke kërkuar që ato të përfshihen në planin e punës së këtij komisioni parlamentar.
Tahiri ka propozuar monitorimin e zbatimit të ligjeve për Gjykatën Komerciale dhe Gjykatën Administrative, me qëllim të vlerësimit të rezultateve, sfidave dhe ndikimit të këtyre institucioneve në efikasitetin e sistemit të drejtësisë.
Propozimi i dytë ka të bëjë me nisjen e hartimit të Ligjit për Deputetët, i cili do të përcaktonte më qartë të drejtat, detyrimet dhe përgjegjësitë e deputetëve, si dhe statusin dhe përfitimet e tyre gjatë dhe pas përfundimit të mandatit.
Ndërkaq, propozimi i tretë lidhet me shqyrtimin e mundësisë për themelimin e një gjykate të specializuar në luftën kundër korrupsionit. Për këtë çështje, Tahiri ka sugjeruar që Komisioni të realizojë një vizitë studimore në SPAK dhe në Kuvendin e Shqipërisë, për t’u njohur nga afër me përvojën shqiptare, procesin e themelimit të institucionit, sfidat dhe mundësitë që ofron ky model.
Të rejat Lexo më shumë
Trepça arrin fitore të madhe ndaj gjigantit kroat në Europe Cup
Gati një muaj nga Aktgjykimi për ish-krerët e UÇK-së, vendimi i plotë ende nuk u publikua
“Largohu, se vetëm për të vjedhur jeni këtu”, polici special u drejtohet disa qytetarëve, teksa thyhet një kioskë në Tiranë