← Kthehu te Ballina
Politikë 26/10/2026 12:46

Mblidhet kryesia e kuvendit, pritet caktimi i seancës plenare

Mblidhet kryesia e kuvendit, pritet caktimi i seancës plenare

Kryesia e Kuvendit të Kosovës ka filluar mbledhjen, ku do të shqyrtohen disa çështje që lidhen me punën e kuvendit dhe organizimin e seancës së ardhshme plenare.

Sipas rendit të ditës, pritet të shqyrtohet dhe të miratohet procesverbali i mbledhjes së mëparshme të kryesisë së kuvendit.

Më pas, anëtarët e kryesisë do të diskutojnë për propozimin e rendit të ditës për seancën e radhës plenare.

Në mesin e pikave të parapara janë miratimi i procesverbaleve nga seancat e mëparshme, deklarimet jashtë rendit të ditës dhe pyetjet parlamentare.

Një nga çështjet kryesore do të jetë shqyrtimi i dytë i projektligjit për ndryshimin dhe plotësimin e ligjit mbi ndarjet buxhetore për buxhetin e Kosovës për vitin 2026.

Po ashtu, në rend dite është paraparë edhe votimi i propozimit të GP të Listës Serbe për emërimin e deputetëve në komisionet parlamentare.

Reklamë