“Marshim taktik nga Udbina deri te Kalaja e Kninit”, FSK dhe ushtarët e rajonit përmbyllin trajnimin në Kroaci – nuk merr pjesë vetëm Serbia
Ministri i Mbrojtjes, Ejup Maqedonci ka bërë të ditur përmbylljen e një trajnimi për zhvillimin e liderëve të rinj ushtarakë në Qendrën “Marko Babić” të Ushtrisë Kroate.
Maqedonci në një postim në Facebook shkruan se për herë të parë në këtë trajnim mori pjesë edhe FSK-jam, gjersa ushtarakët e FSK-së u stërvitën së bashku me kolegë nga Kroacia, Sllovenia, Shqipëria, Maqedonia e Veriut dhe Mali i Zi.
Lexoni të plotë postimin:
Pas marshimit taktik prej 88 kilometrash nga Udbina deri te Kalaja e Kninit, u përmbyll trajnimi për zhvillimin e liderëve të rinj ushtarakë në Qendrën “Marko Babić” të Ushtrisë Kroate.
Për herë të parë, në këtë trajnim mori pjesë edhe FSK-ja. Ushtarakët tanë u stërvitën së bashku me kolegë nga Kroacia, Sllovenia, Shqipëria, Maqedonia e Veriut dhe Mali i Zi—numri më i madh i pjesëmarrësve të huaj deri më tani.
Marshimi përmbyllës kishte edhe domethënie simbolike, duke nderuar historinë dhe sakrificën e popullit kroat gjatë Luftës Atdhetare. Programi kërkues zhvillon qëndrueshmërinë fizike dhe mendore, lidershipin dhe aftësinë për të marrë vendime në rrethana sfiduese.
Përgëzoj ushtarakët tanë për përfaqësimin e denjë. Kjo përvojë avancon aftësitë e kuadrove tona dhe forcon bashkëpunimin ushtarak ndërmjet Kosovës dhe Kroacisë. Falënderoj homologun tim, Ivan Anušić, dhe Ushtrinë Kroate për këtë bashkëpunim të rëndësishëm.
Të rejat Lexo më shumë
Gazetari spanjoll po raportonte për stuhinë, por një valë e madhe e përpiu gjatë transmetimit live
Trumpi i kërkoi Muskut të heqë kufizimet e Starlinkut në Ukrainë
“S’janë studentë”, Rama lexon emrat e të arrestuarve gjatë protestës: Të gjithë me precedentë kriminalë