Marrëveshja për përmirësimin e spitaleve publike në Kosovë, Kurti priti në takim zv.presidentin e EIB
Kryeministri i Republikës së Kosovës, Albin Kurti, bashkë me ministrin e Financave, Hekuran Murati, priti në takim zëvendëspresidentin e Bankës Evropiane të Investimeve (EIB), Robert de Groot, para nënshkrimit të marrëveshjes së kredisë për projektin për përmirësimin e pajisjeve mjekësore dhe infrastrukturës.
Kryeministri Kurti e falënderoi zëvendëspresidentin De Groot për vizitën, ndërsa pranoi urime për presidenten e re, zgjedhja e së cilës mundësoi kthimin e stabilitetit institucional. Në këtë frymë u diskutua për mundësitë konkrete të shtimit të vëllimit të bashkëpunimit dhe të investimeve të përbashkëta.
Teksa përmendi rritjen e qëndrueshme ekonomike, për çka mori përgëzime, kryeministri Kurti foli për planet për investime në hekurudha, ndërtimin e pesë digave të reja, sikurse në infrastrukturën sportive si përgatitje për Lojërat Mesdhetare 2030. Po ashtu, në takim u diskutua për zgjerimin e rrjetit të ngrohjes dhe për energjinë, përkatësisht kapacitetet e reja dhe diversifikimin e burimeve.
Të rejat Lexo më shumë
Tre të rinj të armatosur me thika u përleshen në platformën e një stacioni në Angli, ndërsa pasagjerët e tmerruar e ndoqën sherrin
Katër gola në gjashtë ndeshje, Maldini i ri duket se ka gjetur klubin dhe ata po detyrohet ta blejnë përfundimisht
Ngjarjet e fundit në Gjilan, Hyseni kërkon kontrolle të shtuara në shkolla