← Kthehu te Ballina

Lojërat Mesdhetare, Rama, Kurtit: Paske provuar me fajësu Prishtinën – Qeveria s’i kreu pagesat, s’i dërgoi  emrat, s’u përgjigj në email-a

ShpërndajeFacebookWhatsApp
Lojërat Mesdhetare, Rama, Kurtit: Paske provuar me fajësu Prishtinën – Qeveria s’i kreu pagesat, s’i dërgoi  emrat, s’u përgjigj në email-a

Pasi kryeministri Albin Kurti foli për Lojërat Mesdhetare 2030 dhe rrezikun e humbjes së organizimit të tyre nga Kosova, duke aluduar te kryetari i Prishtinës, Përparim Rama, se nuk po e ka “kollaj” të shtyhet me dikë që “nuk bën mirë” dhe se bashkëpunimi s’është i mirë me Komunën e Prishtinës.

Për këtë deklaratë ka reaguar Rama, i cili tha se arsyeja pse është anuluar takimi me Komitetin Ndërkombëtar të Lojërave Mesdhetare është përgjegjësia e Qeverisë së Kurtit që s’i ka kryer pagesat, s’i ka dërguar emrat e delegacionit e s’i ka kthyer email-at.

Postimi i Ramës:

Kryeministër, paske provu me ia bartë Prishtinës fajin për dështimin potencial të “Lojërave Mesdhetare”!

Në komunikimin e fundit, “Komiteti Ndërkombëtar i Lojërave Mesdhetare” thotë se takimi është anulu për këto arsye!

1. Pagesa s’është kry.

2. Emrat e delegacionit s’janë dërgu.

3. Nuk jeni përgjigjë në email-a.

Kush ka pasë me i bo këto?

1. Qeveria.

2. Qeveria.

3. Qeveria.

Qikaq e thjeshtë është!

Burimi: www.gazetaexpress.com

Artikull i përzgjedhur dhe përpunuar automatikisht nga Zani Digjital.

Lajme të ngjashme