Llapi “zgjohet nga gjumi”, fiton ndaj Dukagjinit
Llapi ka arritur një fitore tejet të rëndësishme në udhëtim ndaj Dukagjinit, duke triumfuar 1-0 në Klinë, në kuadër të xhiros së 13-të të Superligës së Kosovës.
Heroi i skuadrës nga Podujeva ishte Rilind Hetemi, i cili në minutën e 89-të realizoi një gol spektakolar, duke i siguruar ekipit të tij tri pikë të arta.
Ndeshja ishte e baraspeshuar, ndërsa Dukagjini kishte arritur të shënonte në minutën e 24-t, por goli u anulua pas rishikimit të VAR-it.
Kur gjithçka po shkonte drejt një barazimi pa gola, Hetemi vendosi ndeshjen me një goditje të jashtëzakonshme.
Me këtë fitore, Llapi i jep fund serisë prej shtatë ndeshjesh pa fitore dhe shkon në kuotën e tetë pikëve, duke mbetur në vendin e nëntë.
Ndërkohë, Dukagjini mbetet në pozitën e gjashtë me 18 pikë, pas katër ndeshjeve radhazi pa fitore.
Të rejat Lexo më shumë
Krerët e institucioneve të sigurisë me mesazhe për policët e rinj: Guxim të mbrosh ligjin edhe përballë të fuqishmëve
Shtetasi i Kosovës humb lejen C në Zvicër, Gjykata Federale konfirmon vendimin pas mungesës së provave për qëndrimin e tij
Interi synon përforcimin e mbrojtjes me yllin e Crystal Palace, Chivu e pëlqen shumë amerikanin