← Kthehu te Ballina
Politikë 15/10/2026 14:53

Lipjani nënshkruan memorandum me Agjencinë për Informim dhe Privatësi për rritjen e transparencës

Lipjani nënshkruan memorandum me Agjencinë për Informim dhe Privatësi për rritjen e transparencës

Kryetari i Komunës së Lipjanit, Imri Ahmeti, ka nënshkruar Memorandum Bashkëpunimi me komisioneren e Agjencisë për Informim dhe Privatësi, Krenare Sogojeva Dermaku, me qëllim të avancimit të transparencës institucionale dhe forcimit të llogaridhënies.

Sipas njoftimit të Komunës, Lipjani është përzgjedhur në mesin e tri komunave në nivel vendi për zbatimin e kësaj marrëveshjeje.

Memorandumi parasheh standardizimin e publikimit proaktiv të dokumenteve dhe informacioneve publike, përditësimin e rregullt të të dhënave, si dhe monitorimin e zbatimit të obligimeve ligjore për transparencë, në përputhje me Ligjin për Qasje në Dokumente Publike.

Bashkëpunimi do të realizohet në kuadër të Planit të Veprimit të Partneritetit për Qeverisje të Hapur 2026–2028.

Komuna e Lipjanit ka theksuar se mbetet e përkushtuar në forcimin e transparencës dhe llogaridhënies institucionale.

Reklamë