Kurti takohet me Macronin në Pallatin Élysée, në fokus integrimi evropian
Kryeministri i Kosovës, Albin Kurti, është takuar me Presidentin e Francës, Emmanuel Macron, në Pallatin Élysée. Në takim është diskutuar për thellimin e bashkëpunimit ndërmjet dy vendeve, integrimin evropian të Kosovës dhe sigurinë në rajon.
Kurti ka theksuar rëndësinë e mbështetjes së Francës për marrjen e statusit të vendit kandidat dhe hapjen e negociatave për anëtarësim në Bashkimin Evropian.
Postimi i plotë:
Sot pata kënaqësinë e veçantë të takohem me Presidentin e Francës, Emmanuel Macron, në Pallatin Élysée.
Franca ka qenë aleate e fuqishme e Kosovës që nga lufta jonë për çlirim dhe pavarësi dhe mbetet partnere e afërt dhe e rëndësishme e vendit tonë.
Biseduam për mundësi të reja bashkëpunimi ndërmjet Kosovës dhe Francës, për integrimin tonë euroatlantik dhe për sigurinë në rajon. Theksova rëndësinë e mbështetjes së Francës për marrjen e statusit të vendit kandidat dhe hapjen e negociatave për anëtarësim në Bashkimin Evropian.
Shpreha gjithashtu vlerësimin tim për nismën e Presidentit Macron për mbrojtjen e fëmijëve nga rreziqet që lidhen me përdorimin gjithnjë e më të madh të teknologjisë. Kjo çështje ishte në qendër të Forumit të Paqes në Paris këtë vit, ku Republika e Kosovës iu bashkua Deklaratës Politike të Samitit të Fëmijëve për mbrojtjen e mirëqenies, të drejtave dhe të ardhmes së brezave të rinj.
Kosova dhe Franca do të vazhdojnë të punojnë së bashku për paqe, zhvillim ekonomik dhe një të ardhme të përbashkët evropiane
Të rejat Lexo më shumë
Biden thotë se nuk do të kishte vazhduar fushatën për President nëse do ta dinte se kishte kancer
Mbrojtësit nuk po gjejnë ilaç, Lutfi Dalipi dhe Samuel Krasniqi po bëjnë namin në Zvicër
Deputeti zviceran Michaël Buffat del para gjyqit për dhunë në familje: Akuzohet për keqtrajtim shumëvjeçar të bashkëshortes